Escrevim umha chamada de auxilio

                                  em verso,

e nom tivem resposta.

Corrim como se nom houbesse um amanhá

                               rua arriba, rua abaixo

para atopar(-me?).

Bebim cada copa de licor café de cada bar

                                       buscando

a tua interjeçom mágica.

Mas nom estava aí, nem sequera nas botelhas de cerveja

                                                          que baleirei,

                                                         até desfalecer.

Comprei mil relojos tentando aumentar o tempo.

Porque queria que fosse meu, queria mandar nele.

Comim todos os pensamentos nos que aparecia o teu nome,

fige-nos desaparecer como a umha estrela no ceo preto.

Bailei todos os ritmos e todas as melodias inventadas,

para que o meu corpo estivesse entretido

                                                              e nom lembra-se as tuas maos.      

E agora que os dias passarom,

Agora que já Escrevim,

                          Corrim,

                          Bebim,

                          Comprei,

                          Comim,

                          Bailei...                                                         

                                            [ agora que podo fazer por  ti  mim ? ]