Non pretendas (com)prenderme.

Son ceive presa en min mesma.

                      Gosto de sonhar cando o insomnio se apodera de min,

con esa liberdade ofrecida pola loucura pasaxeira

do quererenonpoder.

Quéresme porque non estou de acordo con ninguén,

e aborrécesme porque non es quen de estar de acordo comigo.

                                  Non son pose,

                            nin me posee ninguén.

(Extra)limítome para non excederme (de máis) contigo.

Adoro as preguntas sen resposta que sempre me fas,

                              e sempre respondo.

(Non) Gosto de caminhar cos pés no chan (do subsolo)

mentres escribo nas nubes

o que me din

ao ouvido

as pantasmas do pasado.

                            Eu son eu.

Dá igual como o mires.

Expresión capicúa que sempre me dará a razón.

                       A min.   Si.   Outra vez.