Podo ser o erro da túa vida, se ti me deixas.

Podo ser o maior acontecemento do ano.

Podo ser túa, ou non…    mais ben non.

Deixareiche crer que es meu, se así o desexas.

Bicareite tanto como sexan capaces os meus beizos...      

                                                                                    xa cansos.

Fareiche rir cada dous segundos, como nunha desas pelis tan tontas...

              e que tanto me gustan.

Faremos do meu cuarto a nosa casa. Faremos da nosa casa a nosa vida.

Mais recorda,

                          só tes un tempo,

a data de caducidade está posta.

Lembra que unha vez digas esas sete fatídicas letras,

                       esfumareime.

Consumámonos

                            preferentemente

              antes de que chegue o día

no que esquezas que eu, pra ti, só podo ser

                                                                      o teu maior erro.