Ao mar

tivem de apanhar todo isso que sabedes que se apanha quando che rompem algo
tivem de apanha-lo e ata-lo bem tivem de com essa merda de anacos construir um
algo minimamente sólido ou pesado ou como hóstia se diga para que pesasse o
suficiente para poder tira-lo ao mar a ver se nom pasava como com a merda das
baleas mortas que como som tam grandes e tam pesadas sempre acabam tiradas
num areal e sabemos bom eu sei que cheira mal...

a dizer verdade eu nom sei onde está este mar
a  dizer verdade eu nom sei como é este mar

                                                                    deve ser tam grande, deve ser tam húmido e tam mortal
                                                                    como os restos que ficarom em terra no caminho cara ele...
                                                                           
                                                                            como os restos que ficaram
                                                                            como os restos que ficaram
                                                                    
a dizer verdade eu nom sei onde está este mar
a  dizer verdade eu nom sei como este mar

Sempre me mordo a língua quando falo contigo,

                                                                                   até sangrar.

Até que noto o sabor a decepçom na boca.

Até que sei que nom direi nada,

até que o sangue abrolha dentro de mim,

incapaz de sair fora e chegar a ti.

Sempre mordo a língua quando falo contigo.

Aprendim a nom malgastar tempo,

                                                forças

                                                e saliva

 em palabras que ficarám no vazio da existência.

Abril obrígame a pensar

na profecía autocumprida

en que se converteu a historia de dous

                                                                          en que xa non hai ninguén.

Os meus ollos fican á espera,

                                                    secos,

                                                                despois de tanto chover.

E eu

afogo a remollo

ao mesmo tempo que agardo o futuro (im)perfecto

                                                       que sempre estará lonxe

                                                                                                      Sen ti. 

Manuela Dans levava o peso todo da família que não tinha.

sem mãos,

no cesto a se mover no seu compasso ¾.

E levava-o na cabeça,

sem esforços,           por costume,

como o nome dessas cousas que o perdérom

e as histórias que contava da outra vida

                                               fantasia(?)

Manuel Dans suava as lágrimas das outras

.

tantas

.

Insurretas

Lembras?

Colgava a roupa desta gente toda, nessa corda

para que a vejas.     

            Não querias?

Manuela Dans lastima,

(p)o(r) sistema

porque tem as mãos de ferro de criar-nos,

a tantas.

Não sabias?

Manuela Dans sou eu, só que eu não sou Manuela.

E xa ninguén se agocha na minha sopa

Que fácil resulta esquecer

cando tes calor nas noites.

Que bonito se ve todo desde o sofá cómodo da autodestrución.

Enganamos?

                          Sempre.

E gostamos de pintar(nos)

un cadro cubista

para

mirarnos a el como se fose un espello.

                           Que complicación, que frustración.

                        Non (nos) entendemos. Porque non queremos.

E así seguimos,

destruindo a pouca humanidade que seica tinhamos.

Por que para que a necesitamos?

Continuamos andando con ritmo de marcha fúnebre

deixándonos guiar até o panteón de momentos ilustres.

Movémonos por inercia, menos @s arrítmic@s

                                                             que agardan o seu momento para facer  

                                            acto de presenza.

Pasinho a pasinho

montamos a farsa do futuro imperfecto que só é antepretérito.

E ti que non te enteras porque non tes puta idea de lingua.

       E eu que prefiro facer que non me entero

               para estar ben tranquila, e protexida...

                                                                               Deses pensamentos que loitan

                                                                                             Contra min.

caminhas cara eles e duvidas.

 Primeiro.  Podo?

            [e podes...]

passa segura até o fundo do teu quarto em preto,

vam escuitar o que lhes traes na boca.

tês tempo,

e-es-ta-las-por segundos nessa ideia.

Lamentas tanta raiva.

Aguardas o momento justo e         durmitas-

-sonhando-

-esperta

Esvara-che entre os dedos sem queré-lo e já perdiche,

aperta a mao, porque isto todo é nosso.

Roubárom-che os minutos há mil anos,

jurárom-nos as horas que nem chegam.

Jogamos, sempre

a alçar a voz por baixo.           Já chega.

aperta a mao, porque isto todo é nosso.

Fixeches estrelar o vermello do (meu) interior

                      desde moi fóra.

Algo inaudito por aquí que non se adoita exteriorizar nada.

                                                                                       Agás odio.

Unha palabra, e andando.

                                          

                                                    Alcol, música, e pogo.

[-Recordas(me)?- Si, si, si. A loira da primeira fila]

E así.

Articulamos o abecedario para non parecer tan sumamente ignorantes.

             [-Nome? -Accesorioinútilquesónosdaríacomplicacións.

             -Que dis? -Que non conhecía esta canción.]

Baila co son do inframundo

que a banda toca para ninguén.

Hoxe

Non hai persoa no universo ademais de nós,

uns ninguén, que sexa dign@ desta melodía que nos modula.

                                [Modulas(me)?]